هذه قصيدة إهداء مني لك ولدي قصائد اخرى اتمنى ان تنال إعجابك وتسمعنا صوتك الجميل
مرت تخطى من على شاطي النيل
غزالة (ن) نجد العذيه سكنها
تلفتت وأغضت مثل مهرة الخيل
خيالها متجود(ن) في رسنها
والشعر الاسود منتثر كنه الليل
بنت القمر حتى القمر غار منها
هب النسيم وفاح عطر الاكاليل
ووقفْت أبنشد فايح العطر عنها
يانفحة الدله على فوحة الهيل
مشاعري قامت تغني لحنها
أقفت وأنا ماعاد بي عقبها حيل
حالي وروحي بالمحبه سجنها
راحت ولامن بالليالي المقابيل
موعد لو إني واحد(ن) من وطنها
أهل الموده والمحبه مهابيل
وش جاب قلبي للهموم وفتنها
يالله ياسايق صدوق المخاييل
ياعالم مجرى الحياه وزمنها
إنك تجيب اللي على شاطي النيل
ليّه وقلبي ماسلا يوم عنها